തൃപ്പൂണിത്തുറ: മാർക്കറ്റ് റോഡിൽ രാവിലെയും വൈകുന്നേരങ്ങളിലും കാൽനട യാത്ര പോലും ദുസ്സഹമാക്കിയുള്ള രൂക്ഷമായ ഗതാഗതക്കുരുക്കിനെതിരെ അധികാരികൾ നടപടി സ്വീകരിക്കണമെന്ന് ട്രുറ ആവശ്യപ്പെട്ടു. പുതിയകാവിലും മാർക്കറ്റ് റോഡ് ആരംഭിക്കുന്ന കിഴക്കേക്കോട്ട റോഡിലും നോ എൻട്രി ബോർഡ് സ്ഥാപിച്ചിട്ടുണ്ടെങ്കിലും അതിനെ നോക്കുകുത്തിയാക്കി വാഹനങ്ങൾ മാർക്കറ്റ് റോഡിലേയ്ക്ക് നിർബാധം കയറുന്നു.
പലപ്പോഴും റോഡിൽ വാഹനങ്ങളുടെ നീണ്ടനിരയാണ്. പീക് സമയങ്ങളിൽ കർശനമായി ഗതാഗതം നിയന്ത്രിക്കാൻ നടപടി സ്വീകരിക്കണമെന്ന് ട്രുറ ദക്ഷിണമേഖലാ പ്രസിഡന്റ് എം. സന്തോഷ് കുമാറും സെക്രട്ടറി സി.എസ്. മോഹനനും ആവശ്യപ്പെട്ടു.